قصيده بعنوان (( عرس بغداد ))

بس الله الرحمن الرحيم ....

اخواني الاعزاء اليوم نقلت الكم قصيدة بعنوان عرس بغداد من احد الخوات وفي احد المنتديات ....وان شاء الله تعجبكم...

عرس بغداد

رضينه الاحتلال بحجه التحرير
وشعلنه شموعنه وبغداد شعلوها
انهضمنه ومارضينه الاحتلال ايفوت
وفوك المارضينه السرفه مشوهه
دعوني البارحه لحفله عرس بغداد
دموع من الوطن للوطن دفعوها
وطن عريسوعز وبيه امريكان
وبطايق زفته باهمر ودوها
وكعدت لوحدي بشارع يصيح الغوث
وجه وكصته اللجمات طبعوها
وجابوها وأجت بس أشأجت بغداد
حتى عيونها من اللطم شلعوها
اجت بدله عرسها البيضه دم ونار
الانذال من الصدر للجعب شكوها
وبدل شده وردجابت بيده دموع
ومن ايدهه والشعر جروها
ماجنه عرس جنه بحفل تشيع
علدبابه تمشي الحلوه جابوها
شفقات وخوذ من كل فصيله ولون
تنطيهم زلم وكبور ينطوها
فضو جم بكاره بساحه التحرير
وقضيه ساحه التحرير فضوها
واجه العريس محني وعمره ست الاف
جي تنزف حضاره عيونه شدوها
كعد مكسور خاطر والظهر مكسور
من شاف العلم ساريته كسروها
يعاين على الحفل شوكله غربه الناس
اجت عالم غرب والعرف طشوها
بس بغداد اجته وعرفته من بعيد
حضنه وحضنته والدنيا بجوها
وحجتله شلون شعلو بامخيم نار
من سلبو خدرهه وصاحو اخذوها
شلون مسلبه ايودونه لتكساس
بس مو على لهزل على الدرع ودوها
شلون مجتفه وشلون عده ايتام
شلون الحسره تطلع من يشتموها
لطم وجه العراق وصاح ياكرار
وينك ياعلي بغداد باكوها
ونزفت عينه دم ومن بجت شافوها
بأصابع من رصاص عيونه طفوها
وخذوه جثه وبقت بغداد بس اتصيح
مبارك بس حلقته وياي خلوها
وجابوحلقته بس موذهب من حبال
صعدو علمنصه وبيه شنقوها

وجزاكم الله خيرا ..

قصــــيدة مــؤثرة تستثير المشــاعر

وتفيض لهاالعين دموعا

حروفهاا شقت لهــا طريقا في قلبي لتتسلل اليه من اقرب السبل

ابــو ســارة ,

سلمت الانامل , وجزاك الله خيرا

دمــــت بــود

***///اسيــ الذكــريات ـــر\\\***

لطم وجه العراق وصاح ياكرار
وينك ياعلي بغداد باكوها
________________
قصيده كلش كلش جميله

مشكووووووور ابو ساره

سلامي وحبي واجمل امنياتي لكـــــ

حياج الله يا اخت شوق .....على مشاكتج الجميلة ....وحياج الله بلمنتدى ..

شكرا لك اخي ابو سارة
قصيدة ولا اروع
سلمت الانامل التي نسجت هذه الحروف وتمنياتي لك بالموفقية

تقبل مروري

الف هلا بيك يا غالي ونورت الموضوع بمرورك