اسير الروح
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

اسير الروح

حلق في سماء منتديات اسير الروح العراقية
 
الرئيسيةالبوابةأحدث الصورالتسجيلدخول

 

 منتظر رفعة راس

اذهب الى الأسفل 
2 مشترك
كاتب الموضوعرسالة
اسيرة الذكريات
قلـــــــم ممــــيز
قلـــــــم ممــــيز
اسيرة الذكريات


انثى
عدد الرسائل : 61
العمر : 38
الموقع : اسير الروح
المهنة : منتظر رفعة راس Profes10
sms : اشهد الا اله الا الله محمد رسول الله
تاريخ التسجيل : 02/07/2008

منتظر رفعة راس Empty
مُساهمةموضوع: منتظر رفعة راس   منتظر رفعة راس I_icon_minitimeالأحد فبراير 08, 2009 5:57 pm

ا

لى منتظر الزيدي

عفيه بمنتظر يبن العراق الزين تستاهل نبوسك كلنه بعيونك

يالشايل الغيره و يالكلت هيهات گدام الطغاه الكل يسمعونك

واگف چنت واگف جبل فوگ الگاع ما هزاك بوش و لا يخوفونك

يالفرده حذائك گلت بيهه لبوش يا ملعون شعبي ما يريدونك

اطلع ما يصير تدوس هاي الگاع بس انته امنيتهم لو يدوسونك

واضح چان قصدك يبن ذيچ الگاع مفهومه الرساله ووصل مضمونك

يا غيره عراقي الغيره حصرا بيك و عليهه الدول كلهم يحسدونك

يمن فرده حذائك درس للحكام و بعد هذا الدرس هيهات ينسونك

طاهر مرضعك منتظر و الربوك اضن چانو حليب سباع ينطونك

ما كضيت نفسك من شفت طاغوت اشتعل نار الغضب و نشاف بعيونك

شلت بيدك حذائك چان خوش سلاح نيشانك عدل و عداك يدرونك

بس انته الردت و تعمدت تخطيه عفيت و انته تگدر خل يشوفونك

لكن للاسف دارت عليك چلاب چلاب المالكي رادو ينهشونك

يضحك مالكينه و انته تصرخ اه مرتاح على صوتك من يضربونك

لمتهم عليك و هاي نقلتهه الفضائيات عيب انته عراقي بديرتك و اهلك يهينونك

يا ابو اسراء عدنه عتاب جارح و العتاب يطول ترضه شلون هيچ و تضحك سنونك

يضربون العراقي و ما گلت عوفوه مو هذا عشمنه البيك مرفوض اعتذارك ما يعذرونك

شتگول شتجاوب و الجواب شلون اذا ليش الخگ باچر يسالونك

و انته الدافعت و الچنت حارس بوش شاطر و الحمايه ما يلحگونك

شنو هذا التسبل و اللواگه لبوش اجل نايف عريف انته و گلت بلكت يرقونك؟

حملت اسم العراق و هالفخر يكفيك ما محتاج امريكه يعلونك

شتسوالك ولك يالمالكي و الناس حارس مرمى هالگامو يسمونك

و صبرا منتظر تفرج يخي و تهون گيدك ينكسر غصبا يطلعونك

صرت مو بس مراسل عادي ما معروف بسام رمز الوطن هسه يعرفونك

صرت لاء الرفض في هالعصر و الله و هواي على نهجك يا بطل تمشي و يتبعونك

ايا ابن العراق البار احنه وياك عالعدوان كلنه حزامك و عونك

و اخيرا يا وطن ما يضل محتل بيك تنضف من وصخ ذوله اليدنسونك

ترد لحضان ولدك احق ولدك بيك همه يعمروك و همه يبنونك

تصير احسن بلد و احسن عراق تصير وطنه و يا وطن برواحنه نصونك

[b]
الرجوع الى أعلى الصفحة اذهب الى الأسفل
ابو سارة الحديثي
المشـــــــرف العام
المشـــــــرف العام
ابو سارة الحديثي


ذكر
عدد الرسائل : 1061
العمر : 39
العمل/الترفيه : موظف
المزاج : الحمد لله ...مزاجي عالي ...
الاوسمــة : منتظر رفعة راس 1187177599
المهنة : منتظر رفعة راس Office10
sms : علمتي الحياة ان ابتسم في الوقت الذي ينتظرني فيه الاخرون ان ابكي
تاريخ التسجيل : 12/04/2008

منتظر رفعة راس Empty
مُساهمةموضوع: رد: منتظر رفعة راس   منتظر رفعة راس I_icon_minitimeالثلاثاء فبراير 10, 2009 6:28 pm

شكرا يا اسيرة ....ز

منتضر الزيدي والله يستاهل مي العين مو بس قصيدة
الرجوع الى أعلى الصفحة اذهب الى الأسفل
 
منتظر رفعة راس
الرجوع الى أعلى الصفحة 
صفحة 1 من اصل 1
 مواضيع مماثلة
-

صلاحيات هذا المنتدى:لاتستطيع الرد على المواضيع في هذا المنتدى
اسير الروح :: ● ঄|[ೋી‗ ـ−¨ المنتــــدى الادبي والثقافــي¨−ـ ‗ીೋ]|঄ ● :: ~*¤®§(*§ الشعر الشعبي §*)§®¤*~ˆ°-
انتقل الى: