ليوم أرد أدك للصبح ... وأركص عله ألي صار
.... راح وهلك ... وللوطن صار أعمار
وكلنه ألجسور أنبنت ...وأبراج وأستثمار
وكلنه ألجوامع تنترس ... ومايخله هم ألبار
وأللطم وألزنجيل ... خلتفرح ألزوار
وألي قصف كبتك ... يحسين راح وغار
وألكل يحصل شغل ...وما يبقه بينه فرار
يابويه بس للأسف ... ألحلم بينه أندار
وأنباع بويه ألوطن ... باعوه للتجار
وطلعو أراذل يبه ... بس بألأسم ثوار
ألنفط يم بوش ألأبن ... وألدك عله أم ستار
وألرشوه وصلت للعضم ... تاكل أكل منشار
هاذ أليهرب نفط ... وذاك أليبوك أبـار
وزئبق يبوي أنخمط ... وأتغلفت لأثـار
وكلهم بأرضنه أطمعو ... يابويه حته ألجار
حد سيفه لمن سمع ... فرهود ولكم صار
حوسمتو حته ألنخل ... وألسعف وألجمار
ألوطن له حوبته ... وعــار عليكم عاااار
وألي يجور أعله ألوطن ... ألوطن بيه أحرار
ورطه ألوطن لو زعل ... تجري ألدموم أنهار
أسمع ولك لونفع ... هاذ ألكلام أنذار
تمشي عدل لوتره ... بعينك ندك مسمار
وقطعه أعله صدرك ندك ... نكتب عليهه حماااار....!
بقلمي ألمتواضع اخوكم ابو ياسين الارناؤوطي
موضوع: يا فرحه ما تمت 000 انتضر ردكم ؟ 
السبت أبريل 19, 2008 2:54 pm
