( يا بلسم المجروح )

( يا بلسم المجروح )







يااللي تركتيني مكدّر وخالي
عودي ويا أيام حلوات دوري

مقدر على فرقاك يارأس مالي
والوصل يامحبوب أصبح ضروري

غيرك أنا ماطيق مهما بدا لي
وإنْ هُوْ تعرّض لي يواجه نفوري

فكيف بنسى يارفيق الليالي
يااللي تقدم لي من الورد جوري

إذا نظرتك طاب بالسعد حالي
يتوه عقلي حين سجلي حضوري

قلبك على مافي قليبي وبالي
ولسان حال الوجد : يانفس ثوري

إدّلّلِي بالغُنْج ياحب غالي
ياعشقتي يا اللي ملكتي شعوري

إنتي ملاذ الروح لا القلب سالي
يانشوتي ياسكرتي ياسروري

ماعيش دونك ياحسين السبالي
يابلسم المجروح ، بدر البدوري

لوجاء القدر يخطفك يقطع وصالي
خذني معك في القبر بين القبوري